ग्रंथराज श्री ज्ञानेश्वरी सेवा प्रतिष्ठान

उद्देश व स्थापनेची पार्श्वभूमी

आजचा मानवी समाज बाह्य सुखसोयींच्या शर्यतीत धावत असताना आतून मात्र कुठेतरी एकाकी आणि अस्वस्थ झाला आहे. आपण केवळ दिवस ढकलतोय का, असा प्रश्न संवेदनशील मनाला पडतो. या धावपळीत मनाला अढळ स्थिरता देण्यासाठी आणि आपल्या ऋषी-संतांचे पारमार्थिक ज्ञान आधुनिक विज्ञानाच्या व तर्काच्या कसोटीवर उतरवून ते समाजाच्या शेवटच्या घटकापर्यंत पोहोचवण्याच्या उदात्त हेतूने १९८८ साली या प्रतिष्ठानची स्थापना झाली.

अध्यात्म म्हणजे संसार सोडून वनात जाणे नव्हे; तर आपण जिथे आहोत तिथे आपले कुटुंब, शिक्षण, व्यवसाय आणि राष्ट्र यांप्रती असलेला ‘स्वधर्म’ आणि ‘कर्तव्य’ अत्यंत प्रामाणिकपणे पार पाडणे—हीच प्रतिष्ठानची मुख्य शिकवण आहे.